【請大家大大力支持其他老餅page！】
兜兜轉轉又繼續翻呢個單元！😍呢個單元介紹嘅大部分page都係由年輕人開，希望大家可以繼續多多支持!!!!!!!!!✨✨Follow Follow Follow!!!!!尤其今次呢兩個page，係分別由一位14同埋13歲嘅朋友開!!!!!!!😘😘
佢哋大家都好有心機去經營自己開page，好值得支持！！
第一位係 @leslie_cheungg ，佢係一位14歲嘅哥哥迷！佢由一、二年級已經開始接觸哥哥，而哥哥係佢爸爸嘅偶像～
「真正開始愛上哥哥同做老餅嘅時候,就係小學五年級，嗰陣自己着衫嘅風格、髮型、同埋唱歌模式都係模仿緊哥哥...但係啲同學仔就開始話我好老土🤢成個人都好舊好老好唔啱key😔但係我冇因為佢哋而改變自己😚。（留情：做得好！）由五年班嘅學期開始我參加學校唱歌表演，好彩每次都入圍，之後喺台上面唱左首Monica，得到台下觀眾嘅認同同埋支持😁，就係因為哥哥令到我愛上左唱歌呢個興趣❤️。」
「呢個ig度可以睇到唔少哥哥靚相🥰本人最鍾意嘅明星係哥哥🧍♂️之後就係梅姐,Danny,張曼玉,周潤發,王祖賢🥳我雖然係一個06年嘅榮迷👻但係我比其他人知道同認識嘅嘢絕對都唔輸蝕🤡而我開呢個ig係想證明比大家睇香港人應該要聽香港嘅歌，即使係新與舊都好，都要了解香港樂影壇嘅變化💪🏻證明自己係一個土生土長嘅香港人🤙🏻🤙🏻支持香港歌🤜🏻🤛🏻繼續去比唔同年齡層嘅人聽希望我呢個IG可以比更多人了解到香港舊時嘅狀況同環境🤓令到更多人愛上890年代啲歌同電影，亦都希望更多人可以follow我IG☺️👻一齊分享喜悅一齊做同路人💪🏻💪🏻💪🏻💪🏻💪🏻」
第二位係13歲，（！！！）嘅 @stand.by.mui ，鍾意左梅姐大約7個月！
「一開始開呢個page係想分享下梅姐嘅相片、影片、趣事等等，令大家了解多啲梅姐，後來覺得其實梅姐對年輕人嚟講都係比較陌生，所以希望可以認識多啲梅迷，可以合作搞下活動等等，推廣真係好重要，希望梅迷們可以多啲呢方面嘅意識!!!!🙏🏻😬」
自問我13、4歲嘅時候係仲係完全無意識，一舊飯黎，所以呢兩位朋友真係好值得欣賞，希望大家都可以多多支持佢哋，佢哋真係好有心同埋一心一意愛著梅姐同埋哥哥！✨✨❤️❤️
Search